Fréttabann á Facebook í Ástralíu
Setja bókamerki
Facebook hefur komið í veg fyrir að Ástralar geti deilt fréttum eða skoðað þær á samfélagsmiðlinum.
Þannig er Facebook að bregðast við nýju lagafrumvarpi sem yrði til þess að tæknirisar þyrftu að borga fyrir að birta fréttaefni á síðum þeirra.
Þegar Ástralar vöknuðu í morgun gátu þeir heldur ekki skoðað þó nokkrar síður stjórnvalda sem snúa að heilbrigðismálum og almannavörnum. Facebook sagði síðar að það hefðu verið mistök.
Ástralar hafa gagnrýnt Facebook fyrir uppátækið. „Facebook hafði rangt fyrir sér. Aðgerðir Facebook voru ónauðsynlegar, þær voru of miklar og þeir eiga eftir að skaða orðspor sitt hérna í Ástralíu,“ sagði Josh Frydenberg, fjármálaráðherra landsins.
Hann lagði áherslu á að stjórnvöld væru staðráðin í því að halda sig við áætlun sína. Lagafrumvarpið var samþykkt í fulltrúadeild þingsins í gær og bíður það núna samþykkis öldungadeildarinnar.
„Það sem gerðist í dag sýnir hversu stórt markaðshlutfall Ástralíu er hjá þessum tæknirisum,“ bætti Frydenberg við. „Þessir tæknirisar eru mjög, mjög fyrirferðarmiklir í efnahag okkar og þegar kemur að hinu stafræna landslagi.“
Gagnrýni Frydenbergs kom nokkrum klukkustundum eftir að hann tísti að hann hefði átt „uppbyggilegar viðræður“ við Mark Zuckerberg, forstjóra Facebook.
„Skýr skilaboð til Seðlabankans“
Bifreið ekið á skrifstofu Útlendingastofnunar
Beint frá Kína
Tóku upp hanskann fyrir leikskólabörn
Tapa fimm milljónum á dag
„Á réttri leið en nokkuð í land ennþá“
Fara ekki lengur fram á einangrun yfir Davíð