Dalai Lama, andlegur leiðtogi tíbetskra búddista, hefur fengið fyrri skammt af bóluefni gegn Covid-19 að því er segir á vef BBC. Hann hvatti þá alla sem geta til þess að láta bólusetja sig.
„Þetta er mjög mjög hjálplegt, mjög gott,“ sagði Dalai Lama þegar hann fékk AstraZeneca-bóluefnið í Dharamsala á Indlandi í gær.
Frá og með 1. mars hafa bólusetningar boðist einstaklingum eldri en 60 ára á Indlandi en Dalai Lama varð 81 árs í febrúar.
Dalai Lama sagði fólk verða að fá bólusetningu „til að koma í veg fyrir alvarleg vandamál“.
Að sögn dr. Gurdarshan Gupta, yfirlæknis í Kangra-hverfi Himachal Pradesh, bauðst Dalai Lama til að mæta sjálfur á bólusetningarstað „eins og venjulegur maður“.
Í viðtali við BBC í fyrra sagði Dalai Lama að heimsfaraldurinn hefði stuðlað að „umhyggju og samúðarfullum tilfinningum“.