Forseti Sýrlands, Bashar al-Assad, og eiginkona hans, Asma, hafa greinst með kórónuveirusmit. Samkvæmt upplýsingum úr forsetahöllinni eru þau bæði með mild einkenni.
Eftir að þau fundu fyrir einkennum fóru þau í PCR-próf sem sýndi að þau væru bæði með veiruna. Hvorugt þeirra er alvarlega veikt að því er segir í tilkynningu.
Við PCR-próf er tekið öndunarfærasýni (nefkoks- og hálsstrok) og leitað að kjarnsýrum (erfðaefni) veirunnar.