Min Aung Hlaing, yfirmaður herforingjastjórnarinnar í Mjanmar, hélt íburðarmikið matarboð á laugardagskvöld á meðan hermenn hans skutu fleiri en 100 manns til bana á götum úti og neyddu þúsundir manna til að flýja til nágrannaríkisins Taílands. 

Frétt af mbl.is

Blóðugasti dagur mótmælanna í Mjanmar

Helgin í Mjanmar einkenndist af óskipulegum hryllingi og blóðsúthellingum. Atburðirnir hafa verið fordæmdir víða á alþjóðavettvangi. 

Syrgjendur snerta andlit Kyaw Win Maung sem var skotinn til bana af öryggissveitum. AFP

Myndir sem birtar voru á samfélagsmiðlum sýndu Aung Hlaing klæddan í sitt fínasta púss í áðurnefndu kvöldverðarboði. Hann heilsaði viðstöddum og snæddi veislumat í tilefni dags hersins.

Á þeim degi er upphaf andspyrnu hersins gegn hernámi Japana í síðari heimsstyrjöldinni minnst. Venjulega blæs herinn til skrúðgöngu þennan dag en þess í stað gengu hermenn og lögregla berserksgang og drápu að minnsta kosti 114 manns, þar á meðal börn, í 44 bæjum og borgum víðs vegar um Mjanmar. Laugardagurinn var mannskæðasti dagurinn síðan herinn rændi völdum af kjörinni ríkisstjórn landsins og steypti henni af stóli 1. febrúar síðastliðinn. 

Frétt CNN 

Tengdar fréttir

Valdarán í Mjanmar

H&M hættir starfsemi í Mjanmar

• Pólitískir fangar voru 300
• Sjö þúsund fangar náðaðir í tilefni afmælis
• Dæmd í 33 ára fangelsi samanlagt
• Í þriggja ára fangelsi fyrir kosningasvindl

» Fleiri tengdar fréttir

• Blogga um frétt