Útgöngubann um páska á Ítalíu
Læknir skoðar sjúkling í Róm, höfuðborg Ítalíu.
AFP
Setja bókamerki
Þriggja daga útgöngubann vegna kórónuveirufaraldursins hefur tekið gildi á Ítalíu til að koma í veg fyrir fjölgun smita um páskana.
Öll svæði landsins eru rauð en Ítalía er á barmi þriðju bylgju faraldursins nú þegar um 20 þúsund smit greinast þar daglega, samkvæmt frétt BBC.
Þrátt fyrir að bólusetning við veirunni sé í fullum gangi í landinu hefur smitum fjölgað að undanförnu vegna hins breska afbrigðis veirunnar.
Ónauðsynleg ferðalög eru bönnuð en fólk má njóta páskamáltíðar heima hjá sér með tveimur öðrum fullorðnum.
Það verður tómlegt hjá páfanum á morgun.
AFP
Annað árið í röð mun Frans páfi flytja páskapredikun fyrir tómri Péturskirkju.
Alls hafa rúmlega 110 þúsund látist af völdum veirunnar á Ítalíu en 3,6 milljónir tilfella eru staðfestar í landinu.
„Tíminn er runninn út fyrir Kristján Loftsson“
Stóraukið fé til samgöngusáttmála
Sat á þaki byggingarinnar þegar eldurinn kviknaði
Slökkva í síðustu glæðunum á morgun
Segir óábyrgt að skipta út öllu bankaráðinu
Hjón sluppu með skrekkinn
Aðhald, frestun og eignasala