Mehamn-málinu áfrýjað til Hæstaréttar Noregs
Setja bókamerki
Ríkissaksóknari Noregs hefur ákveðið að áfrýja dóminum yfir Gunnari Jóhanni Gunnarssyni, sem varð hálfbróður sínum að bana, til Hæstaréttar.
Gunnar var fyrst dæmdur til 13 ára fangelsisvistar fyrir að hafa orðið bróður sínum, Gísla Þór Þórarinssyni, að bana með haglaskoti að morgni 27. apríl 2019. Sú refsing var hins vegar milduð töluvert af áfrýjunardómstóli og fangelsisvistin lækkuð niður í fimm ár.
Gunnar hefur alltaf haldið því fram að um slysaskot hafi veri að ræða og féllust fjórir af sjö dómurum við áfrýjunardómstólinn á þá skýringu, það er manndráp af gáleysi.
Við þetta vill ríkissaksóknari í Noregi ekki una og ætlar að áfrýja dómnum til æðsta dómstóls Noregs og freista þess að sakfella Gunnar Jóhann fyrir manndráp af ásetningi (n. forsettlig drap).
Hyggjast leyfa fólki að skoða gosið
Færa slökkviliðið til nútímans
Hafa „ágætis tíma“ til úrbóta
Nauðgaði kærustu sinni og tók það upp
Mun fara sparlega með málskotsréttinn
Ný staða uppi og óvissan meiri
Bjarkey stendur við skammarbréf Svandísar
Sárt að horfa upp á illa meðferð fjármuna