Eldgos hófst í fyrsta sinn í 40 ár á eyjunni Saint Vincent í Karíbahafi í dag. Þúsundir íbúa í nágrenninu þurftu að yfirgefa heimili sín.
Eldfjallið hófst í fjallinu La Soufriere og við það feyktist aska sex þúsund metra upp í loftið, að sögn viðbragðsaðila.
„Yfirgefið rauða svæðið nú þegar. La Soufriere er byrjað að gjósa,“ sagði í tilkynningu, þar sem kom fram að öskufall hafi meðal annars orðið á Argyle-alþjóðaflugvellinum.
Flugvöllurinn er á suðurhluta eyjunnar, sem er um 30 kílómetra löng, en eldfjallið er í norðurhlutanum.
Íbúum á rauða hættusvæðinu var gert að yfirgefa heimili sín. Þar búa um 16 þúsund manns.
Síðast gaus í La Soufriere árið 1979. Stærsta eldgosið varð fyrir rúmri öld þegar yfir eitt þúsund manns fórust árið 1902.