Gagnrýnandi Pútin kyrktur
Setja bókamerki
Dómstjóri hefur úrskurðað að Nikolai Glushkov, sem hafði gagnrýnt forseta Rússlands, Vladímir Pútin, hafi verið kyrktur á eigin heimili. Þetta kemur fram á vef BBC.
Glushkov fannst látinn á eigin heimili í suðvesturhluta Lundúnaborgar í mars árið 2018. Sönnunargögn bentu til þess að andlát hans hefði verið látið líta út eins og sjálfsvíg.
Dómstjórinn Chinyere Inyama úrskurðaði að Glushkov hefði verið kyrktur en í meinafræðiskýrslu sagði að meiðslin „gætu samræmst hálstaki, beitt aftan frá og að árásarmaðurinn hefði verið á bak við fórnarlambið“. Enn hefur enginn verið handtekinn vegna málsins.
Glushkov flúði frá Rússlandi eftir að hafa verið ásakaður um svik í starfi sínu sem forstjóri Aeroflot-flugfélagsins, og var honum veitt pólitískt hæli í Bretlandi árið 2010.
Árið 2017 var hann dæmdur í átta ára fangelsi af rússneskum dómstól fyrir að stela 87 milljónum punda frá flugfélaginu. Glushkov átti að mæta fyrir dómstól í London daginn sem hann fannst látinn.
Glushkov lést viku eftir að eitrað hafði verið fyrir fyrrum gagnnjósnaranum Sergei Skrípal og Júlíu dóttur hans í Salisbury.
Glushkov var einnig náinn vinur Boris Berezovsky, sem var hávær gagnrýnandi Pútíns, en hann fannst hengdur á heimili sínu í Berkshire árið 2013.
Tóku upp hanskann fyrir leikskólabörn
„Það þarf að vinna mikinn fjölda upp“
„Hvílir mikil leynd yfir þessu öllu“
„Skýr skilaboð til Seðlabankans“
Vélsleðaslys: Þyrlan kölluð út á mesta forgangi
Handtekin eftir að tvö börn fundust látin
Beint frá Kína
Veiting hvalveiðileyfis ekki brot á EES-samningi