Söder og Laschet vilja taka við af Merkel

Armin Laschet, formaður Kristilegra demókrata í Þýskalandi, og Markus Söder, forsætisráðherra Bæjaralands, hafa boðið sig fram sem kanslaraefni Kristilegra demókrata.

Þingkosningar fara fram í landinu í september, en Angela Merkel, sem leitt hefur flokkinn í 21 ár og verið kanslari í 16 ár, sest þá í helgan stein.

Laschet var kjörinn formaður flokksins á landsfundi í janúar. Jafnan mætti ganga út frá því að embættinu fylgdi að vera kanslaraefni flokksins, en lengi hefur þó verið vitað að keppnin um tilnefninguna gæti orðið snúnari.

Frétt af mbl.is

Hver vill verða kanslari?

Fylgi Kristilegra demókrata í Þýskalandi hefur verið á niðurleið síðustu mánuði og hefur flokkurinn nýlega farið undir 30 prósent í könnunum á sama tíma og Græningjar eru á miklu flugi. Í Bæjaralandi nýtur Söder hins vegar mikils stuðnings, þar sem hann fer fyrir bæverskum systurflokki Kristilegra demókrata, CSU. 

Ákvörðunin um kanslaraefni verður að öllum líkindum tekin bak við lultar dyr, en í fréttaskýringu AFP segir að Laschet sé fremur talinn njóta stuðnings helstu manna innan flokksins, þótt Söder eigi nokkrum vinsældum að fagna innan þingflokksins.

• Blogga um frétt