Eins hreyfils flugvél, sem tók þátt í flugsýningu á Cocoa Beach í Flórída í Bandaríkjunum, varð að nauðlenda í fjöruborðinu. Viðstaddir virtust ekki allir átta sig á að lendingin væri ekki hluti af sýningunni, en á myndbandi sem BBC birtir má heyra viðstadda blístra og fagna vélinni þar sem hún er í þann mund að lenda.
Engan sakaði í nauðlendingunni, en nokkur hópur strandgesta var í sjónum skammt frá þegar vélin lenti.