Lyfjafyrirtækin dregin til ábyrgðar
Setja bókamerki
Fjögur lyfjafyrirtæki, þar á meðal eigandi Actavis-Teva, voru dregin fyrir dóm í gær sökuð um að hafa ýtt undir ópíóíða-faraldurinn sem hefur dregið fjölmarga til dauða í Bandaríkjunum. Fyrirtækin eru sökuð um að hafa gert lítið úr áhættunni á því að ánetjast verkjalyfjunum með öflugu markaðsstarfi sínu.
Lyfjafyrirtækin Johnson & Johnson, Teva, Endo og Allergan eru sökuð um að hafa gert lítið úr hættunni af langtímanotkun ópíóíðaverkjalyfja til þess að geta selt meira magn lyfjanna. Málið er höfðað gegn lyfjafyrirtækjunum í nokkrum sýslum Kaliforníu og í Oakland. Farið er fram á milljarða bandaríkjadala í miskabætur.
Teva keypti Actavis Generics, samheitalyfjahluta Allergan, árið 2016 og er Medis einnig í eigu Teva.
Tæplega hálf milljón Bandaríkjamanna hefur látist af völdum ofskömmtunar ópíóíða, bæði þeirra sem fengnir eru með lyfseðli eða ólöglega, síðustu tvo áratugi. Um 50 þúsund létust vegna þeirra á árinu 2019.
Stefnendur í málinu eru Santa Clara, Los Angeles og Orange-sýsla sem og borgin Oakland en alls eru íbúar þeirra 15 milljónir talsins. Það eru 40% af íbúum Kaliforníu sem er fjölmennasta ríki Bandaríkjanna. Auk þess að krefjast skaðabóta fara yfirvöld fram á að gripið verði til aðgerða til að koma í veg fyrir að lyfjafyrirtæki geti stundað blekkjandi markaðsstarf í framtíðinni.
„Á sama tíma og notkun ópíóíða hefur tekið gífurlegan toll af Kalforníu-ríki og íbúum þess hafa sakborningar innleyst gríðarlegan ágóða. Bara á árinu 2014 sköpuðu ópíóíðar 11 milljarða bandaríkjadala hagnað fyrir lyfjafyrirtækin,“ segir meðal annars í greinargerð sækjenda. 11 milljarðar dala samsvara 1.387 milljörðum íslenskra króna.
Eyjafjarðarbraut lokað vegna alvarlegs umferðarslyss
Vélsleðaslys: Þyrlan kölluð út á mesta forgangi
„Það þarf að vinna mikinn fjölda upp“
„Skýr skilaboð til Seðlabankans“
Hernaðaraðstoð samþykkt – Vopnasendingar í vikunni
Tveir í bílnum sem lenti utan vegar