Agnarsmátt múshjartardýr fæddist nýverið í dýragarði í Bristol í Englandi og er á við blýant á hæð, eða um 20 cm. Kyn múshjartardýrsins er ekki vitað en það er aðeins annað sinnar tegundar sem fæðst hefur í dýragarðinum síðasta áratuginn.

Múshjartardýr eiga uppruna sinn að rekja til Suðaustur-Asíu og vega fullvaxta múshjartardýr aðeins um eitt og hálft kíló.

Deildarstjóri spendýrasviðs í dýragarðinum í Bristol, Paige Bwye, segir við BBC að einhver tími verði að líða þar til hægt sé að athuga hvers kyns dýrið er. Þangað til er það enn of feimið og hlédrægt til að hægt sé að skoða það án þess að valda því streitu.

„Það stendur sig vel samt og hefur að undanförnu lært að þekkja og meta nýjar bragðtegundir, svosem sætar kartöflur,“ segir Paige.

„Brienne, móðir þess, stendur sig virkilega vel í nýja hlutverkinu sínu og sinnir unga sínum vel. Það er alveg einstakt að fylgjast með þeim tveimur. Þau hreyfa sig um á hárfínum fótleggjum sínum og gæða sér á blómum og grænmeti.“

Tengdar fréttir

Krúttleg dýr

Íslenskir hestar og hundar frá Gasa á JFK-flugvelli

• Blóðgjöfin sem bjargaði hundslífi
• Hundur gaf hundi blóð
• Lúrði á staurnum og opnaði augun annað slagið
• Bjarni Ben fékk lítinn nafna á Bessastöðum

» Fleiri tengdar fréttir

• Blogga um frétt