Skrifaði bréf til Sturgeon
Setja bókamerki
Boris Johnson forsætisráðherra Bretlands skrifaði í dag bréf til Nicolu Sturgeon, leiðtoga Skoska þjóðarflokksins, þar sem hann óskaði henni til hamingju með niðurstöður kosninganna sem haldnar voru á fimmtudag.
Hann bað hana einnig að vinna með sér þegar horft væri fram á veginn.
Lokatölur kosninganna í Skotlandi gáfu flokki Sturgeon 64 sæti á þinginu í Edinborg. Aðeins eitt sæti hefði þurft til viðbótar til að tryggja flokknum hreinan meirihluta.
Kallar eftir annarri atkvæðagreiðslu
Fyrr í dag sagði Sturgeon niðurstöðuna gefa til kynna að grundvöllur væri fyrir annarri þjóðaratkvæðagreiðslu um sjálfstæði Skotlands frá Bretlandi. Á sama tíma hefðu stjórnvöld í Lundúnum engan grundvöll til að hindra það að hún ætti sér stað.
„Ég trúi því af ástríðu að hagsmunum fólks í Bretlandi og þá sérstaklega í Skotlandi sé best þjónað þegar við vinnum saman,“ skrifaði Johnson í bréfinu.
Telur forsendur fyrir vaxtalækkun
„Það þarf að vinna mikinn fjölda upp“
Veiting hvalveiðileyfis ekki brot á EES-samningi
„Hvílir mikil leynd yfir þessu öllu“
Skiptir miklu meira máli en fólk grunar
Krefjast stöðvunar framkvæmda
Kostnaður meiri en milljón á fermetra