Fórnarlömbin voru saklaus

Breskir hermenn beittu óhóflegu afli á meðan á átökum stóð í Norður-Írlandi árið 1971 þegar tíu almennir borgarar voru skotnir til bana á þriggja daga tímabili. 

Dánardómstjóri úrskurðaði þetta í dag. Enginn glæpur var framinn af hálfu fórnarlambanna.

Ættingjar fórnarlambanna klöppuðu og grétu þegar þeir heyrðu niðurstöðuna.

Ættingjar Joseph Corr Snr, eins fórnarlambanna. AFP

Rannsókn á atburðinum hófst árið 2018. Á meðal fórnarlamba voru prestur sem reyndi að hjálpa fólki sem hafði særst og átta barna móðir.

Níu af tíu fórnarlömbunum voru drepin af hernum, að sögn dánardómstjórans.

• Blogga um frétt