Covid-19 smit í Taílandi náðu nýjum hæðum í dag. Fjöldi smita var um 10.000. Meira en tvo þriðju tilfellanna má rekja til fangelsa, eða um 6.853 smit.
Þar til í síðasta mánuði hafði landinu tekist að halda smitum í lágmarki, m.a. með takmörkunum á ferðamönnum til landsins og skjótum einangrunum á staðfestum smitum.
Ástæðu fjölda smita í fangelsum Taílands má rekja til síðustu viku, þegar baráttumaður í fremstu röð lýðræðishreyfingar Taílands tilkynnti að hún hafði fengið jákvætt úr sýnatöku. Þá aðeins fimm dögum eftir að hafa verið látin laus úr fangelsi í Bankok gegn tryggingu.
Fangelsismálastofnun Taílands hefur gefið út að allir fangar landsins verði skipaðir í skimun, meira en 310 þúsund fangar sem eru í 143 fangelsum víðsvegar um landið. Þá segir Somsak Thepsuthin, dómsmálaráðherra Taílands, mögulega þurfa að íhuga sérstakt skilorðsbundið fangelsi fyrir smitaða fanga ef ekki tekst að ná utan um smitin.