Óháðir frambjóðendur vinna stórsigur

Sílemenn kusu um helgina óháða frambjóðendur til þess að mynda 155 manna stjórn sem mun endurskrifa stjórnarskrá landsins sem er nú undir miklum áhrifum frá einveldinu sem ríkti í Síle og er kennt um þann mikla ójöfnuð þar í landi.

Árið 2019 létust tugir manna í mótmælum þar í landi og var ein aðalkrafa mótmælenda ný stjórnarskrá sem er ástæðan fyrir kosningunum í ár. Kosningarnar eru einu mikilvægustu í 31 árs sögu lýðveldisins.

Útkoma kosninganna var túlkuð af sérfræðingum sem uppreisn gegn hefðbundinni stjórnsýslu.

Sebastian Pinera, forseti Síle, segir niðurstöðurnar sýna að stefna flokksins er ekki í takt við vilja íbúa Síle.

Sigur þvert á spár sérfræðinga

Óháðir frambjóðendur höfðu verið spáð löku gengi en enduðu sem stærstu sigurvegarar kosninganna með u.þ.b. 40% af atkvæðunum.

Vinstrisinnaðir frambjóðendur tóku um þriðjung af atkvæðunum, meðan ríkisstjórnin, sem er hægrisinnuð, fékk aðeins yfir 20% atkvæðanna.

Flest atkvæði fóru þó til óháðra frambjóðenda sem skilgreina sig ekki eftir hefðbundnu stjórnsýslukerfi. „Þetta eru utangarðsmenn, án aðildar flokks og eru gagnrýnir á hefðbundnu stjórnmálaflokkana," segir Marcelo Mella, stjórnmálafræðingur frá háskólanum í Santiago.

Mireya Davila, tengill sílensku ríkistjórnarinnar, segir stjórnmálakerfið í landinu vera í miklu umbreytingarferli. 

• Blogga um frétt