Óvíst hvort leiðtogi Boko Haram hafi látist
Setja bókamerki
Abubakar Shekau, leiðtogi nígerísku hryðjuverkasamtakanna Boko Haram, er annaðhvort látinn eða alvarlega sár eftir árás klofningsfylkingar Boko Haram sem kennir sig við Ríki íslams. Fréttir af andláti Shekau bárust síðastliðinn miðvikudag.
AFP greindi frá því að hann hefði reynt að svipta sig lífi með hjálp sprengjubeltis eftir að hafa verið handsamaður af fylkingunni ISWAP. Heimildarmenn þeirra í Nígeríu segjast þó ekki geta staðfest fráfall leiðtogans.
Bandaríkin vilja ekki greiða ISIS-tengdum samtökum þóknun
Bandaríska utanríkisþjónustan hafði áður lofað 7 milljónum Bandaríkjadala til hvers þess sem getur borið kennsl á Shekau eða veitt upplýsingar um hvar hann er niður kominn. Yfirvöld í Bandaríkjunum hafa þó neitað því í tísti að greiða fylkingunni ISWAP þá þóknun.
Shekau hefur áður verið talinn af
Enn er óvíst hvort Shekau sé allur en hann hefur margsinnis áður verið talinn af en snúið svo skjótt aftur. Talsmaður nígerska hersins segir rannsókn á málinu enn í gangi. Ef Shekau er enn á lífi er hann alvarlega særður.
Boko Haram hafa skipst upp í nokkrar fylkingar síðan fyrrum leiðtogi þeirra Mohammed Yusuf var skotinn árið 2009 sem leiddi til vopnaðrar uppreisnar samtakanna.
Síðan þá hafa þessar klofningsfylkingar barist gegn nígeríska hernum en einnig innbyrðis. Fráfall Shekau getur haft gífurlegar afleiðingar fyrir þessi átök.
Handtekin eftir að tvö börn fundust látin
„Skýr skilaboð til Seðlabankans“
Æskuvinur Íslendings myrtur í Noregi
Verðbólgan komin niður í 6%
Vélsleðaslys: Þyrlan kölluð út á mesta forgangi
Tóku upp hanskann fyrir leikskólabörn
Tveir í bílnum sem lenti utan vegar