Fjórtán létust þegar kláfur féll úr 20 metra hæð

Fjórtán manns, þeirra á meðal eitt barn, létust eftir að kláfur féll á fjall nálægt Lago Maggiore á Norður-Ítalíu í dag. Annað barn er alvarlega slasað eftir atvikið. 

BBC greinir frá.

Slysið varð í kláf sem flytur farþega almennt frá bænum Stresa upp í fjallið Mottarone í héraðinu Piedmont. 

Aðkoman var hörmuleg. AFP

Á meðal þeirra sem létust voru erlendir ríkisborgarar. 

„Við erum niðurbrotin af sársauka,“ sagði Marcella Severino, borgarstjóri Stresa, í samtali við blaðamann. 

Frétt af mbl.is

Átta látnir eftir kláfaslys á Ítalíu

Fimm ára barn og níu ára barn voru flutt á sjúkrahús vegna slyssins. Eldra barnið lést síðar. Hið yngra var með meðvitund við komuna og fór í aðgerð vegna beinbrota. 

Ástæður slyssins eru enn óljósar en samkvæmt fréttum frá ítölskum miðlum féll kláfurinn úr 20 metra hæð, um 300 metrum frá fjallstindinum. 

AFP

• Blogga um frétt