Tveir hafa verið handteknir í tengslum við uppákomu sem átti sér stað í litlu þorpi í sunnanverðu Frakklandi í dag. Þar sést Emmanuel Macron Frakklandsforseti heilsa fjölda fólks, sem flest tók vel á móti honum.
Það átti þó ekki við um mann sem tók sig til og sló Macron utanundir með flötum lófanum. Macron varð bylt við og hörfaði á meðan lífverðir hans réðust að sökudólgnum, sem stóð aftan við girðingu.
Myndskeið náðist af atburðinum og má sjá það hér að neðan.
WATCH: French President Emmanuel Macron is slapped in the face while greeting people; 2 people arrested pic.twitter.com/GdDftzSn2X
— BNO News (@BNONews) June 8, 2021