Dómstóll í Moskvu, höfuðborg Rússland, hefur úrskurðað að pólitísk samtök stjórnarandstæðingsins Alexei Navalnís, sem situr nú í fangelsi, séu „öfgafull“ og hefur starfsemi þeirra verið bönnuð í Rússlandi.

Þetta er enn eitt áfallið fyrir stjórnarandstöðuna í landinu fyrir komandi þingkosningar.

Frétt af mbl.is

Banna framboð úr röðum Navalnís

Úrskurðurinn gæti leitt til endaloka samtaka Navalnís sem hafa barist gegn spillingu á hæstu stigum stjórnkerfisins.

„Það var komist að þeirri niðurstöðu að þessi samtök dreifðu ekki aðeins upplýsingum með hatri og fjandskap í garð ráðamanna heldur einnig öfgafullum skilaboðum,“ sagði talsmaður saksóknara, Alexei Zhafyarov.

Navalní, sem er 45 ára, var handtekinn fyrr á þessu ári er hann sneri aftur til Rússlands frá Þýskalandi þar sem hann var að jafna sig eftir að eitrað hafði verið fyrir honum.

Í færslu á Instagram sagði hann að stuðningsmenn sínir þyrftu að breyta starfsaðferðum sínum og hvatti hann þá til að „aðlagast“.

„En við munum ekki hverfa frá markmiðum okkar og hugmyndum. Þetta er okkar land og við eigum ekkert annað,“ sagði hann.

Tengdar fréttir

Al­ex­ei Navalní

Árásin á Volkov „líklega“ skipulögð af Rússum

• Ráðist á samstarfsmann Navalnís í Litáen
• Heimsótti gröf sonar síns
• „Við munum ekki fyrirgefa“
• Á fimmta tug handtekin

» Fleiri tengdar fréttir

• Blogga um frétt