Viðurkennir erfiðleika vegna matvælaskorts
Setja bókamerki
Kim Jong-un, leiðtogi Norður-Kóreu, hefur viðurkennt að erfið staða sé uppi í landinu vegna matvælaskorts. Frá þessu greindi hann í samtali við ríkisfjölmiðilinn KCNA.
Ástandið hefur vakið ótta um að mikil hungursneyð sem varð þar á tíunda áratugnum þegar hundruð þúsunda létust muni endurtaka sig.
Norður-Kórea, sem hefur verið beitt ýmiss konar viðskiptaþvingunum vegna kjarnorkuvopna og langdrægra eldflauga, hefur lengi átt í vandræðum með að útvega almenningi matvæli.
Á síðasta ári setti kórónuveirufaraldurinn, ásamt stormum og flóðum, enn meira strik í reikninginn varðandi efnahag landsins.
Á fundi sem var haldinn á vegum Verkamannaflokksins í Norður-Kóreu sagði Kim að efnahagurinn hefði braggast á þessu ári og iðnframleiðsla aukist um 25% á milli ára.
Aftur á móti hefðu önnur vandamál komið upp.
„Staðan er að verða alvarleg varðandi mat fyrir almenning vegna þess að hrísgrjónaframleiðslan stóðst ekki áætlanir vegna eyðileggingar af völdum fellibylja á síðasta ári,“ sagði Kim.
Einnig var rætt um áhrif kórónuveirunnar á efnahaginn á fundinum.
Vona að Orkustofnun veiti ekki virkjunarleyfi
„Það þarf að vinna mikinn fjölda upp“
„Hvílir mikil leynd yfir þessu öllu“
Eyjafjarðarbraut lokað vegna alvarlegs umferðarslyss
Tóku upp hanskann fyrir leikskólabörn
Hernaðaraðstoð samþykkt – Vopnasendingar í vikunni
Verðbólgan komin niður í 6%
Tapa fimm milljónum á dag