Metfjöldi kórónuveirusmita greinist nú í Moskvu, höfuðborg Rússlands. Í gær greindust 9.056 smit, sem er hæsti fjöldi smita á einum degi frá upphafi faraldursins. Þá létust 78 manns í borginni í gær.
Að Moskvu frátalinni greindust 1.262 smit í Rússlandi í gær, hæsti fjöldi síðan 1. febrúar.
Borgaryfirvöld í Moskvu hafa lokað aðdáendasvæði Evrópumótsins í knattspyrnu í borginni og miðast samkomutakmarkanir nú við þúsund manns.