Sendiherra Rússlands fyrir Bandaríkin, Anatólí Antonov, flýgur nú aftur til Washington-borgar eftir að hafa verið kallaður þaðan heim í mars. Hann segist vonast til að koma á jöfnu og málnotalegu sambandi að nýju eftir leiðtogafund ríkjanna í Genf.
Þar var ákveðið að sendiherrar ríkjanna skyldu snúa aftur til starfsstöðva sinna og tilkynnti Vladimír Pútín Rússlandsforseti það á miðvikudag.
Stjórnmálasambandi ríkjanna hafði hrakað verulega eftir að Joe Biden tók við embætti forseta og sakaði stjórnvöld í Kreml um netárásir og að hafa skipt sér af bandarískum kosningum.
Eftir að Biden líkti Pútín við morðingja svaraði Pútín með því að afturkalla sendiherra Rússa um leið og hann sagði bandaríska sendiherranum John Sullivan að fara heim frá Moskvu.
Sættir virðast þó hafa náðst á fundi þeirra í Genf. Sullivan segist sjálfur hlakka til að snúa aftur í rússnesku höfuðborgina.
AmbSullivan: “After an important summit, I look forward to returning to Moscow soon to lead the strong team @USEmbRu as we implement #POTUS Biden’s policy directives outlined in Geneva, including strategic stability, #humanrights, a stable & predictable relationship w/ #Russia.”
— Jason P. Rebholz (@USEmbRuPress) June 19, 2021