Týnda prinsessan sést aftur

Ljósmynd birtist í gær á opnum Instagram-reikningi af Latifu Al Maktoum prinsessu, sem er dóttir leiðtoga Dúbaí. Sameinuðu þjóðirnar hafa lýst yfir áhyggjum sínum af henni eftir að hún reyndi að flýja land.

Á myndinni sem birtist á reikningi Sioned Taylor, fyrrverandi liðsmanns sjóhersins og fylgdarmanns prinsessunnar, sjást Latifa og Taylor á flugstöð. Í færslunni segir að prinsessan hafi verið á Spáni eftir að hafa ferðast um Evrópu. Þetta er í fyrsta skipti sem Latifa hefur sést utan Sameinuðu arabísku furstadæmanna síðan 2018.

Í upp­tök­um sem BBC fékk í fe­brú­ar, sagðist Latifa prins­essa vera haldið í gísl­ingu í ein­býl­is­húsi sem breytt hafði verið í fang­elsi án aðgangs að lækn­isaðstoð. Í upp­tök­unni sagði hún einnig að henni hefði verið byrluð ólyfjan og flogið með hana aft­ur í gísl­ingu þegar hún reyndi að flýja Dúbaí árið 2018.

Frétt af mbl.is

Týnda prinsessan virðist hafa náðst á mynd

Í maí sl. birti Taylor mynd af Latifu í verslunarmiðstöð í Dúbaí, en myndirnar birtust í kjölfar þess að SÞ óskuðu eftir áþreifanlegum sönnunum um að Latifa væri á lífi. 

Frétt The Guardian

• Blogga um frétt