Latifa Al Maktoum prinsessa, dóttir leiðtoga Dúbaí, hefur gefið út yfirlýsingu í gegnum lögfræðinga sína um að henni sé frjálst að ferðast. Fyrir nokkrum dögum birtist mynd á Instagram af Latifu á flugvelli og segir hún í yfirlýsingunni að hún hafi nýlega heimsótt þrjú Evrópulönd í fríi með vini.
Í yfirlýsingunni segir Latifa:
„Ég bað hana [vinkonuna] að birta myndina til þess að sanna fyrir fólki að ég geti ferðast hvert sem ég vil. Ég vona að nú geti ég lifað í friði án frekari athugana fjölmiðla.“
Í upptökum sem BBC fékk í febrúar sagði Latifa prinsessa að sér væri haldið í gíslingu í einbýlishúsi sem breytt hefði verið í fangelsi án aðgangs að læknisaðstoð. Í upptökunni sagði hún einnig að sér hefði verið byrluð ólyfjan og flogið með hana aftur í gíslingu þegar hún reyndi að flýja Dúbaí árið 2018. Sameinuðu þjóðirnar lýstu því yfir áhyggjum sínum af prinsessunni.