Síðasta útgáfa Apple Daily
Síðasta útgáfa Apple Daily kom út í dag.
AFP
Setja bókamerki
Síðasta útgáfa dagblaðsins Apple Daily kom út í morgun í Hong Kong. Stjórn blaðsins hafði áður tilkynnt að útgáfu yrði hætt ekki seinna en á laugardag en ritstjórnin tók ákvörðun um að hætta hið snarasta vegna áhyggja um öryggi starfsmanna.
Blaðið hefur verið einn af hornsteinum lýðræðisbaráttumanna í Hong Kong undanfarin ár. Yfirvöld hafa beint spjótum sínum að útgáfunni í nokkurn tíma en þjóðaröryggislögreglan réðst inn á skrifstofur blaðsins í síðustu viku og gerði þar húsleit. Á sama tíma voru allir bankareikningar og eignir blaðsins fryst.
Milljón eintök voru prentuð af síðustu útgáfu blaðsins.
AFP
Um ein milljón eintaka var prentuð af síðustu útgáfu blaðsins en að vana selur blaðið um 80 þúsund eintök. Langar raðir mynduðust í morgun meðal Hong Kong búa sem vildu næla sér í eintak.
Segjast hafa skotið niður langdræga sprengjuvél
„Búið að vera í dreifingu í einhvern tíma“
Gerir ráð fyrir 150 samningum í næstu viku
Almannavarnir auka viðbúnað
Bjarkey stendur við skammarbréf Svandísar
Myndskeið: Segjast hafa skotið niður sprengjuflugvél
Unnu að fullum heillindum að kaupum á TM
Spursmál: Fyrsta stóra viðtal Katrínar