Varað var við „meiri háttar galla“ í skýrslu verkfræðinga um Champlain-turninn sem hrundi að hluta í strandbænum Surfside í Flórída aðfaranótt fimmtudags. 

Skýrslan, sem kom út árið 2018, var nýlega gerð opinber af bæjaryfirvöldum. Samkvæmt henni voru steypuskemmdir undir sundlaug í byggingunni sökum hönnunargalla þar sem ekki var gert ráð fyrir halla undir sundlauginni. Vatn úr sundlauginni hafði því safnast upp sem mögulega olli skemmdum á burðarvirki byggingarinnar. Ekki liggur fyrir hvort umræddar skemmdir orsökuðu hrun hluta byggingarinnar.

Frank Morabito, verkfræðingur og einn höfunda skýrslunnar, bendir skýrt á að þörf sé á að auka vatnsþéttni undir sundlauginni, sem var ekki gert. 

Frétt af mbl.is

Krefjast svara vegna hörmunganna

Ekki ligg­ur fyr­ir hve marg­ir voru í öðrum Champlain-turn­anna þegar hann hrundi á fimmtu­dag. 120 manns hafa þegar gefið sig fram við yf­ir­völd. Fjór­ir eru látn­ir og 159 er saknað. 

Leit hefur staðið yfir í rúma þrjá sólarhringa og biðja aðstandendur þeirra sem saknað er fyrir kraftaverki. 136 íbúðir eru í byggingunni og hrundu 55 þeirra.

Björgunarstarf hefur staðið yfir í rúma þrjá sólarhringa. AFP

Tengdar fréttir

Hrun fjölbýlishúss í Miami

Fá 997 milljónir dala vegna hrunsins í Miami

• Síðasta fórnarlamb hrunsins í Miami
• Leit að fórnarlömbum hætt í Miami
• 90 fundist látnir í Surfside
• „Mestu viðbragðsáætlanir í sögu Flórída“

» Fleiri tengdar fréttir

• Blogga um frétt