Drengjaskátasamtök Bandaríkjanna (e. Boy Scouts of America) hafa náð samkomulagi upp á sem nemur 106 íslenskum milljörðum vegna ásakana um kynferðisbrot innan samtakanna í fortíðinni. Lögfræðingar segja að um sé að ræða stærsta samkomulag í slíku máli í sögu Bandaríkjanna. 

Samtökin hafa beðið brotaþola afsökunar og sagst ætla að koma á fót bótasjóði fyrir þolendur kynferðisofbeldis. Samtökin sóttu um að vera tekin til gjaldþrotaskipta í fyrra.

Árið 2012 afhjúpaði dagblaðið Los Angeles Times um 5.000 skrár þar sem fram komu ásakanir á hendur skátaforingjum sem taldir voru „óhæfir“. Fæst atvikanna höfðu verið tilkynnt til lögreglu. 

Í yfirlýsingu sögðu samtökin, sem eru rúmlega aldar gömul, að samkomulagið væri liður í „áframhaldandi viðleitni til að ná fram úrbótum á alþjóðavísu og tryggja framtíð skátastarfsins“. Dómari þarf að samþykkja samkomulagið.

Tengdar fréttir

MeT­oo - #Ég líka

Ákvörðun um að víkja Jóhanni úr landsliði stendur

• Um 30% kvenkyns skurðlækna orðið fyrir kynferðisofbeldi
• Skiluðu skömminni á Sauðárkróki
• Druslur fjölmenntu á Austurvöll
• Vanhæfur vegna veikinda og verður ekki dæmdur

» Fleiri tengdar fréttir

• Blogga um frétt