Einungis rúmri viku eftir að Stefan Löfven sagði af sér hefur sænska þingið samþykkt að hann taki við forsætisráðherraembættinu á ný. 116 þingmenn greiddu atkvæði með Löfven, 173 gegn honum en 60 sátu hjá.
Forsætisráðherra þarf ekki meirihluta heldur nægir að meirihluti þingsins sé ekki á móti honum, samkvæmt sænsku stjórnarskránni.
Eftir að vantrauststillaga á hendur Löfven var samþykkt á sænska þinginu sagði hann af sér til þess að forða því að ganga þyrfti til kosninga.
Í kjölfarið fékk formaður sænska íhaldsflokksins Moderaterna, Ulf Kristersson, stjórnarmyndunarumboð í hendurnar en hann skilaði því og sagði ekki nægan fjölda þingmanna á sænska þinginu styðja myndun borgaralegrar hægristjórnar.
Þá fékk Löfven stjórnarmyndunarumboðið í sínar hendur.
Fréttin hefur verið uppfærð