Zuma gefur sig fram við lögreglu

Jacob Zuma, fyrrverandi forseti Suður-Afríku, hefur gefið sig fram við lögreglu og mun nú hefja afplánun á 15 mánaða fangelsisdómi sem hann hlaut í lok júní fyrir að vanvirða dómstóla með því að neita að mæta til yfirheyrslu. 

Frétt af mbl.is

Forsetinn fyrrverandi á bak við lás og slá

Stjórnartíð Zuma lauk árið 2018, en hann hefur verið ásakaður um að þiggja mútur frá fólki úr viðskiptalífinu á meðan hann var við stjórnvölinn. 

Zuma, sem er 79 ára, var í gærkvöldi fluttur í fangelsi í heimahéraði sínu KwaZulu-Natal, en lögregla hafði varað við því að hann yrði handtekinn ef hann gæfi sig ekki fram fyrir miðnætti. 

Forsetinn fyrrverandi hafði áður neitað að gefa sig fram, en í stuttri yfirlýsingu frá Jacob Zuma-stofnuninni í gærkvöldi kemur fram að hann hafi ákveðið að fara eftir fyrirmælum. 

• Blogga um frétt