Risapöndur eru ekki lengur í útrýmingarhættu samkvæmt skilgreiningu kínverska heilbrigðisráðuneytisins. Stofninn er þó enn viðkvæmur.
Alls eru um 1.800 villtar risapöndur í náttúrunni að því er talið. Sérfræðingar segja að verndaraðgerðir í Kína, líkt og að stækka kjörlendi risapandna, hafi skilað tilætluðum árangri. Ræktun bambusskóga er talin gegna lykilatriði þar sem risapöndur nærast nær einungis á bambus og geta soltið án hans.
Risapöndur eru álitnar þjóðargersemi í Kína en hafa einnig verið lánaðar til annarra landa í diplómatískum tilgangi, s.s. til að styrkja stjórnmálasamstarf.
Alþjóðlegu náttúruverndarsamtökin (IUCN) tóku risapönduna af lista yfir dýrategundir í útrýmingarhætti árið 2016 og flokka hana nú sem viðkvæma. Kínverskum yfirvöldum þótti hins vegar ekki öruggt að taka slíkt skref fyrr en nú.