Miklar rigningar og flóð í vesturhluta Þýskalands hafa orðið hið minnsta níu að bana og um 50 er saknað. Hátt vatnsyfirborð hefur leitt til þess að nokkur hús hafa hrunið.
Fjórir hinna látnu voru í bænum Schuld þar sem mikil flóð tóku með sér nokkur íbúðarhús. Ár hafa flætt yfir bakka sína í og ökutæki og fleira farið með flóðunum.
Björgunaraðilar hafa átt erfitt með að sækja fólk í húsnæði sem flóðin ógna og tveir slökkviliðsmenn létust við störf sín í bæjunum Altena og Wedohl.
Þá létust tveir í kjöllurum sem flæddi yfir í bæjunum Solingen og Unna og einn lést í Rheinbach.
Lögregla hefur komið á neyðarlínu þar sem fólk getur tilkynnt um ástvini sem saknað er. Fólk er beðið um að senda inn myndir og myndbönd sem geta aðstoðað björgunaraðila við leitina.