Sóttvarnastofnun Evrópusambandsins hefur varað við mikilli fjölgun kórónuveirusmita fyrir 1. ágúst. Telur stofnunin að fjöldi smita gæti fimmfaldast fyrir þann tíma. 

Stofnunin gerir ráð fyrir 420 smitum á hverja 100 þúsund íbúa fyrir 1. ágúst, en fjöldi smita á hverja 100 þúsund íbúa var 90 í síðustu viku. 

Viðbúin fjölgun smita stafar einkum af Delta-afbrigði veirunnar, sem talið er að smitist frekar en önnur afbrigði, og afléttingu takmarkana víðsvegar í álfunni. 

Búist er við því að smit á hverja 100 þúsund íbúa verði 620 vikuna eftir 1. ágúst. 

Þá er einnig búist við því innlögnum á sjúkrahús og dauðsföllum eigi eftir að fjölga, en þó ekki á sama hraða og nýjum smitum þökk sé bólusetningum. 

Sem stendur eru innlagnir á sjúkrahús stöðugar í flestum löndum Evrópu, en búist er við því að dauðsföll á hverja milljón íbúa eigi eftir að fara yfir 10 á næstunni, samanborið við 6,8 í síðustu viku. 

Stofnunin segist gera ráð fyrir fjölgun smita í 20 löndum og fjölgun dauðsfalla í níu; Kýpur, Grikklandi, Litháen, Lúxemborg, Möltu, Hollandi, Portúgal, Slóveníu og Spáni. 

Á milli 5. og 11. júlí fjölgaði smitum innan Evrópusambandsins um 60%. 

Fréttin hefur verið uppfærð. 

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt