76 kórónuveirusmit hafa greinst í Kína síðasta sólarhringinn. Um er að ræða mesta fjölda smita síðan í janúar.
Fjörtíu smitanna voru innanlandssmit og tengjast flest hópsmiti í Jiangsu-héraði.
„Af 40 innanlandssmitum voru 39 frá Jiangsu-héraði og eitt frá Liaoning,“ segir í tilkynningu frá heilbrigðisyfirvöldum. Enginn lést af völdum Covid-19 síðasta sólarhringinn.
Hópsmitið í Jiangsu hefur verið rakið til flugvallar borgarinnar Nanjing. Allir íbúar borgarinnar munu fara í sýnatöku vegna hópsmitsins.