Vísindamenn í Taílandi hafa þróað einskonar bólusetningarvélmenni sem getur dregið bóluefnaskammta úr bóluefnaglösum á skilvirkan og öruggan hátt. Á fjórum mínútum getur vélmennið, sem hefur fengið nafnið AutoVacc, dregið 12 skammta af bóluefni AstraZeneca úr hverju bóluefnaglasi. 

Vélmennið er hannað af vísindamönnum í Chulongkorn háskólanum en vélmennið hefur verið í notkun þar síðan á mánudag. 

Því er ætlað að létta álagi af heilbrigðisstarfsfólki sem sinnir bólusetningum. 

Vísindamennirnir segja að vélmennið geti dregið um 20% fleiri skammta úr hverju bóluefnaglasi en mannlegur starfskraftur. Vélmennið hefur þó einungis spreytt sig á bóluefni AstraZeneca.

„Vélmennið getur dregið 12 skammta úr hverju glasi í stað 10,“ segir Juthamas Ratanavaraporn, sem leiðir teymið sem skapaði vélmennið.

Frétt Guardian

Tengdar fréttir

Bólusetningar við Covid-19

WHO: Bóluefni bjargað 1,4 milljónum mannslífa

• Bætur ef tjón verður af völdum bólusetningar
• „Flestar þessara aðgerða standast skoðun“
• Ósennilegt að bólusetning orsaki tíðavandamál
• Margir mæta í örvunarsprautu

» Fleiri tengdar fréttir

• Blogga um frétt