Lög sem gera þungunarrof eftir sjöttu viku meðgöngu ólöglegt, og veita ekki undanþágur í tilvikum sifjaspella eða nauðgana, tóku gildi í Texas dag. Hæstiréttur Bandaríkjanna brást ekki við neyðarbeiðni um að koma í veg fyrir gildistöku laganna. Einungis má gera undantekningar á baninu ef heilsu konunnar er talið ógnað af meðgöngunni.

Frétt af mbl.is

Þungunarrof enn og aftur fyrir Hæstarétt

Repúblikaninn Greg Abbott, ríkisstjóri Texas, samþykkti lögin í maímánuði. Þau leggja bann við þungunarrofi eftir að hjartsláttur fósturs verður greinanlegur. Það er almennt á sjöttu viku meðgöngu. Lögin gera Texas að því ríki Bandaríkjanna þar sem hvað erfiðast er að komast í þungunarrof. 

Um 85 til 90% þeirra sem fara í þungunarrof í Texas eru komin að minnsta kosti sex vikur á leið þegar þungunarrof er framkvæmt. Af þeim sökum er útlit fyrir að lögin banni langflest þungunarrof innan ríkisins. 

Greg Abbott ríkisstjóri samþykkti lögin sem takmarka frelsi fólks til þess að fara í þungunarrof verulega. AFP

Almennir borgarar geta höfðað einkamál á hendur fólki sem talið er hafa farið í eða framkvæmt þungunarrof í Texas

Önnur ríki sem hafa sóst eftir því að takmarka aðgengi að þungunarrofi snemma á meðgöngu hafa ekki komsit upp með það vegna Roe v. Wade dóms hæstaréttar sem féll árið 1973. Með dómnum var þungunarrof gert heimilt á meðan fóstur er ekki lífvænlegt sem er almennt ekki staðan fyrr en á 22 til 24 viku meðgöngu. 

Frétt af mbl.is

Kom sér hjá spurningum um þungunarrof

Lögin í Texas eru óvenjuleg að því leiti að þau heimila almenningi að framfylgja lögunum. Þannig geta almennir borgarar höfðað einkamál á hendur þeim sem þeir telja að hafi gerst brotlegir við lögin. 

Tengdar fréttir

Þungunarrof

Aukin tíðni þungunarrofa hjá yngsta aldurshópnum

• Dómurinn þykir mikil tímamót
• Banna þungunarrof eftir sjöttu viku meðgöngu
• Bann við lyfinu valdi konum alvarlegum skaða
• Dómari stöðvar lyf fyrir þungunarrof

» Fleiri tengdar fréttir

• Blogga um frétt