Bandaríska dómsmálaráðuneytið hefur höfðað mál gegn Texas-ríki vegna nýrra laga um þungunarrof.
Lögin í ríkinu, sem tóku gildi 1. september, banna þungunarrof eftir sex vikna þungun. Joe Biden Bandaríkjaforseti hefur fordæmt lögin og sagðist hann nýverið ætla að verja stjórnarskrárvarinn rétt kvenna.
„Lögin í Texas eru klárlega andstæð stjórnarskránni,” sagði Merrick Garland, dómsmálaráðherra Bandaríkjanna.
„Svona ráðagerð um að ógilda stjórnarskrá Bandaríkjanna ættu allir Bandaríkjamenn, sama hvar þeir eru staddir í pólitík, að óttast,” bætti hann við.
JUST IN: "After careful assessment of the facts and the law, the Justice Department has filed a lawsuit against the state of Texas," Attorney General Garland says on restrictive Texas abortion law. https://t.co/V5bMModrrX pic.twitter.com/qOIjV65hvW
— ABC News (@ABC) September 9, 2021