Fimleikastjörnur bera vitni fyrir öldungadeild
Karítas Ríkharðsdóttir
Setja bókamerki
Fimleikastjörnurnar Simone Biles, McKayla Maroney, Maggie Nichols og Aly Raisman munu bera vitni í vikunni á fundi öldungadeildar Bandaríkjaþings vegna rannsóknar alríkislögreglunnar FBI á meintum kynferðisafbrotum fyrrum landsliðslæknisins Larry Nassar.
Þetta staðfestir lögmaður þeirra, John Manly. The Wall Street Journal greinir frá.
Ámælisverð rannsókn FBI
Rannsókn öldungadeildarinnar er beint að málsmeðferð alríkislögreglunnar á rannsókn sinni á lækninum, í aðdraganda ákvörðunar um fjárútlát vegna dómssáttar við brotaþola Nassars.
Yfir standa samningar á milli brotaþola og ólympíunefndar Bandaríkjanna upp á 425 milljónir bandaríkjadala, sem samsvarar um 54 milljörðum króna.
Brotaþolar Nassars eru taldir hlaupa á hundruðum. Þá hafa lögmenn sumra brotaþola farið fram á alríkislögreglan svari sérstaklega fyrir sínar gjörðir og verði sótt til saka í aðskildu máli.
Í júlí kom skýrsla um rannsókn sérstaks saksóknara á vegum dómsmálaráðuneytis Bandaríkjanna sem leiddi í ljós að fulltrúar alríkislögreglunnar hafi hundsað ásakanir og ábendingar um kynferðislegt ofbeldi af hálfu læknisins á hendur fimleikaiðkenda.
Í skýrslunni kemur fram að starfsmenn fimleikasambandsins leituðu til fulltrúa FBI í Indianapolis vegna Nassars í júlí árið 2015, en voru hundsaðir.
Shakespeare fannst í skókassa
Handteknir eftir myndatöku í Vesturbæjarlaug
Vélsleðaslys: Þyrlan kölluð út á mesta forgangi
Skar höfuðleðrið af íslenskri konu
„Skýr skilaboð til Seðlabankans“
Veiting hvalveiðileyfis ekki brot á EES-samningi
„Það þarf að vinna mikinn fjölda upp“