Margir í starfsliði Pútíns með Covid-19

Vladimir Pútín, forseti Rússlands, sagði í dag að tugir manna í föruneyti hans hefðu greinst jákvæðir fyrir kórónuveirunni áður en hann fór í sóttkví.

„Eins og þú veist, greindust tilfelli Covid-19 í mínum innsta hring. Ekki bara einn eða tveir heldur nokkrir tugir manna,“ sagði Pútín er hann ávarpaði varnarbandalag undir forystu Rússa í  Moskvu í gegnum fjarfund fyrir skemmstu.

Vladimír Pútín, forseti Rússlands.
Vladimír Pútín, forseti Rússlands. AFP
mbl.is