Þúsundir safnast saman undir brú

Flóttamenn frá Haítí og fleiri löndum á gangi í Panama.
Flóttamenn frá Haítí og fleiri löndum á gangi í Panama. AFP

Um tíu þúsund flóttamenn hafa safnast saman undir brú við landamæri Bandaríkjanna og Mexíkó síðustu daga.

Brúin tengir saman borgirnar Del Rio í Texas og Ciudad Acuna í Mexíkó.

Fjöldi fólks sem þar hefur safnast saman hefur aukist mjög að undanförnu. Flest er fólkið frá Haítí, að sögn BBC. 

Fyrr á þessu ári var greint frá því að fjöldi flóttamanna sem var handtekinn á landamærum Bandaríkjanna og Mexíkó í júlí hefði farið yfir 200 þúsund í fyrsta sinn í 21 ár, samkvæmt gögnum bandarísku ríkisstjórnarinnar.

mbl.is