Hlaut lífstíðardóm fyrir morðið á Everard
Setja bókamerki
Enskur lögreglumaður sem handtók ranglega unga konu fyrir að brjóta reglur vegna Covid-19, rændi henni síðan, nauðgaði og myrti, hefur verið dæmdur í lífstíðarfangelsi.
Dómarinn Adrian Fulford sagði að verknaður Wayne Couzens, 48 ára, hafi verið „viðbjóðslegur”.
Couzens kyrkti Söru Everard með lögreglubelti sínu eftir hafa rænt henni og nauðgað. Fyrir dómi í morgun sagðist hann verðskulda þungan dóm, sem hann og fékk.
/frimg/1/28/64/1286433.jpg)
Wayne Couzens nam Everard, sem var 33 ára, á brott er hún var á gangi heim til sín í Clapham í suðurhluta London 3. mars. Hann færði hana í bíl sinn og ók á brott.
Lögmaður hans sagði skjólstæðing sinn vera uppfullan af sjálfshatri, að sögn BBC.
„Hann reiknar með því að hann fái og eigi skilið þunga refsingu,” sagði lögmaðurinn Jim Sturman, í dómsalnum fyrr í morgun. „Enginn með réttu viti…getur fundið fyrir nokkru öðru en viðbjóði vegna þess sem hann gerði.”
Fyrir dómi sagði Sturman þrjár ástæður vera fyrir því að Couzenz geti ekki fengið lífstíðardóm: játning hans, undirliggjandi þunglyndi og að hann hafði aldrei áður verið dæmdur fyrir ofbeldi.
Vona að Orkustofnun veiti ekki virkjunarleyfi
Verðbólgan komin niður í 6%
Eyjafjarðarbraut lokað vegna alvarlegs umferðarslyss
Skiptir miklu meira máli en fólk grunar
Tveir í bílnum sem lenti utan vegar
Æskuvinur Íslendings myrtur í Noregi
Tóku upp hanskann fyrir leikskólabörn
Skemmtiferðaskip hætt komið nærri Viðey