Leynileg auðæfi þjóðarleiðtoga gerð opinber
Setja bókamerki
Leynileg auðæfi og viðskipti þjóðarleiðtoga, stjórnmálamanna og viðskiptajöfra hafa verið gerð opinber í einum stærsta leka á fjármálaupplýsingum í sögunni.
Upplýsingar 35 fyrrum og núverandi þjóðarleiðtoga eru í skjölunum, þar sem fram koma upplýsingar frá aflandsfélögum. Skjölin hafa hlotið viðurnefnið Pandora-skjölin.
Í skjölunum kemur m.a. fram að konungur Jórdaníu eigi leynilega eignir í Bretlandi og Bandaríkjunum að andvirði 70 milljóna punda, ríflega 12 milljarðar króna. Í skjölunum kemur einnig fram að Tony Blair, fyrrverandi forsætisráðherra Bretlands, og eiginkona hans spöruðu ríflega 300 þúsund pund í stimpilgjöld við kaup á skrifstofu húsnæði í Lundúnum. Parið fjárfesti í fyrirtæki á aflandseyju sem fer með eignarhald á skrifstofunni.
Skjölin bendla Vladimír Pútín Rússlandsforseta við leynilegar eignir í Mónakó og sýna að Andrej Babis, forsætisráðherra Tékkalands, taldi ekki fram kaup fjárfestingarfyrirtækis sem skráð var á aflandseyju á margra milljón punda húsnæði í Suður-Frakklandi.
Pandora-skjölin koma í kjölfarið á fleiri stórum upplýsingalekum síðustu ára, m.a. Paradísarskjölunum, Panama-skjölunum og LuxLeaks-skjölunum.
Blaðamenn BBC, Guardian og fleiri miðla leiddu rannsókn á yfir 12 milljónum skjala frá 14 fjármálastofnunum í m.a. Panama, Kýpur, Singapore, Sviss og Sameinuðu arabísku furstadæmunum.
Innviðir þandir og álagið „gríðarlegt“
Segir óábyrgt að skipta út öllu bankaráðinu
Markaðurinn hitnar og leiguverð hækkar hratt
Starfsfólk gæti fengið reikning frá Skattinum
Benda á Samgöngustofu sem bendir út í heim
Hjón sluppu með skrekkinn
Aukin tíðni þungunarrofa hjá yngsta aldurshópnum