Fjölskylda forseta Kenía, Uhuru Kenyatta, sem hefur farið með völd þar í landi frá því landið öðlaðist sjálfstæði, hefur átt aflandsfélög í laumi svo áratugum skiptir.

Þetta kemur fram í Pandóru-skjölunum sem nú hafa verð gerð opinber eftir einn stærsta leka fjármálagagna í sögunni. BBC greinir frá.

Fram kemur, að Kenyatta og sex aðrir ættingjar hans tengist 13 aflandsfélögum. Eitt félaganna á hlutabréf og eignir að andvirði 30 milljóna bandaríkjadala sem samsvarar tæpum fjórum milljörðum íslenskra króna.

Móðir forsetans skráður eigandi

Aflandsfjárfestingar fjölskyldunnar uppgötvuðust í skjölum frá 14 lögfræðistofum og öðrum félögum frá Panama, Bresku Jómfrúareyjunum og öðrum skattaskjólum.

Samkvæmt skjölunum var stofnun að nafni Varies sett á laggirnar árið 2003 í Panama og er var móðir Kenyatta, Ngina sem er 88 ára, skráður eigandi. Þá sýndu skjölin fram á að Kenyatta sjálfur myndi erfa stofnunina eftir hennar daga.

Tengdar fréttir

Pandóruskjölin

Eigendur breskra fasteigna afhjúpaðir

• Guardiola í Pandóruskjölunum
• Segir allar fjárfestingar sínar löglegar
• Segir engar sannanir fyrir upplýsingunum
• Tilraun til að koma höggi á hann

» Fleiri tengdar fréttir

• Blogga um frétt