Guillermo Lasso, forseti Ekvador, fullyrðir að allar fjárfestingar hans séu löglegar, en í Pandóra-skjölunum kemur fram að hann hafi fjárfest í gegnum 14 fyrirtæki í skattaskjólum, flest staðsett í Panama. BBC greinir frá.

Fyrirtækjunum var hins vegar lokað þegar ríkisstjórn Rafael Correa setti lög sem bönnuðu frambjóðendum að eiga fyrirtæki í skattaskjólum, að fram kemur í skjölunum.

Frétt af mbl.is

Leynileg auðæfi þjóðarleiðtoga gerð opinber

Lasso, sem er fyrrverandi bankastarfsmaður, mun hafa komið sér upp fjárfestingarsjóði í Suður-Dakóta, sem tók yfir eignir sjóðsins í Panama, áður en hann bauð sig fram til forseta. Úr Panamasjóðnum höfðu borist mánaðarlegar greiðslur til náinna fjölskyldumeðlima Lasso.

Forsetinn segir 10 af þeim 14 fyrirtækjunum sem minnst er á í Pandóra-skjölunum hafi verið óvirk þegar hann bauð sig fram til forseta. Þá þvertekur hann fyrir að hafa tengsl við hin fjögur. Allar fjárfestingar hans, innan sem utan Ekvador, séu löglegar.

Frétt af mbl.is

Tilraun til að koma höggi á hann

Upplýsingar um fjármál 35 núverandi og fyrrverandi þjóðarleiðtoga eru í Pandóra-skjölunum en nokkrir hafa brugðist við fréttaflutningi af skjölunum í dag. Þar á meðal Vladimir Pútín, forseti Rússlands, Abdullah II Jórdaníukonungur og Andrej Babis, forsætisráðherra Tékklands, sem sækist nú eftir endurkjöri.

Pandóra-skjölin eru einn stærsti leki á fjármálaupplýsingum í sögunni, en þar koma fram upplýsingar frá aflandsfélögum.

Tengdar fréttir

Pandóruskjölin

Eigendur breskra fasteigna afhjúpaðir

• Guardiola í Pandóruskjölunum
• Segir engar sannanir fyrir upplýsingunum
• Tilraun til að koma höggi á hann
• Vísa á bug fullyrðingum í Pandóruskjölum

» Fleiri tengdar fréttir

• Blogga um frétt