Kínverjar hafa dæmt 20 manns í fangelsi fyrir spillingu vegna aðildar þeirra að hruni sóttkvíarhótels á síðasta ári.
29 manns létust og 50 slösuðust þegar Xinjia-hótelið í borginni Quanzhou í suðurhluta Kína hrundi.
Á þeim tíma var 66 herbergja hótelið notað til að hýsa tugi manna sem þurftu að fara í sóttkví eftir að hafa ferðast nýlega til svæða þar sem kórónuveiran hafði verið skæð.
Síðar kom í ljós eftir rannsókn að þremur hæðum hafði á ólöglegan hátt verið bætt við bygginguna, sem var upphaflega fjögurra hæða.
Eftirlitsaðilar höfðu í samstarfi við eigendur hótelsins falsað skýrslur um bygginguna.
#NSTworld #China jailed 20 people for #corruption over their role in the deadly collapse of a #quarantine hotel last year, prompting online outrage over poor building standards in the country.https://t.co/jJwl9Stdk7#coronavirus #covid19 #XinjiaHotel #Quanzhou
— New Straits Times (@NST_Online) October 19, 2021
Eigandi hótelsins hefur verið dæmdur í 20 ára fangelsi fyrir að valda alvarlegu slysi, skjalafals og mútugreiðslur. Tólf til viðbótar fengu eins og hálfs árs til þrettán ára fangelsisdóma.
Þar að auki voru sjö opinberir starfsmenn dæmdir í tveggja til sex ára fangelsi fyrir mútuþægni og fleiri glæpi.