Paris Hilton ræddi á viðburði í dag um meinta misnotkun sem hún segist hafa orðið fyrir á unglingsaldri.
Hilton styður átak til að breyta lögum um heimavistarskóla fyrir unglinga.
Hilton hefur nú mánuðum saman staðið í baráttu fyrir verndun unglinga og endurbótum á heimavistarskólum fyrir vandræðaunglinga.
Á viðburði sem haldinn var í Washington DC talaði Hilton um nýtt þingfrumvarp. Hún segir að frumvarpið muni tryggja réttindi ungmenna sem dvelja á heimavistarskólum og hvatti þingmenn og Joe Biden forseta til að samþykkja það.
BBC greinir frá.
„Á hverjum degi í Ameríku eru börn á heimavistarskóum beitt líkamlegu, andlegu og kynferðislegu ofbeldi í Ameríku. Börn deyja jafnvel af hendi þeirra sem bera ábyrgð á umönnun þeirra,“ sagði Hilton.
Í ræðu sinni greindi Hilton frá því að hún ætti enn í erfiðleikum með svefn vegna áfallastreituröskunar sem hún glímdi við þegar hún dvaldi í heimavistarskóli sem unglingur.
Hún segist hafa orðið fyrir líkamsárás, látin taka lyf og sett í einangrun sem átti að breyta hegðun hennar.