Recep Tayyip Erdogan, forseti Tyrklands, segist búast við að hitta Joe Biden Bandaríkjaforseta á COP26 loftslagsráðstefnunni í Glasgow sem hefst næsta sunnudag, að því er fram kemur í tyrkneskum fjölmiðlum í dag.

Hvíta húsið birti áætlun Biden á G20 leiðtogafundinum í Róm um helgina, en á þeirri áætlun var ekki fundur með Tyrklandsforseta.

„Dagskrá Rómar og Glasgow virðist hafa breyst,“ er haft eftir Erdogan. „Við hittumst líklega í Glasgow í stað Rómar.“

Annar fundur leiðtoganna tveggja

Fundurinn, sem verður annar fundur leiðtoganna tveggja síðan Biden var kjörinn forseti, kemur í kjölfar þess að Tyrkir fara fram á skaðabætur eftir að Washington rak Tyrki út úr F-35 orrustuþotuáætlun sinni til að kaupa rússneskt eldflaugavarnarkerfi.

Frétt af mbl.is

Rekur alla sendiherra Norðurlandanna úr landi

Fundurinn kemur einnig í kjölfar hótunar Erdogan um að reka sendiherra Bandaríkjanna, ásamt níu öðrum sendiherrum vestrænna ríkja úr landi vegna stuðnings þeirra við fangelsaðan stjórnarandstöðuleiðtoga í Tyrklandi.

Hann hefur þó dregið hótunina til baka eftir að sendiráðin gáfu út yfirlýsingar þar var heitið því að halda sig utan innanríkismála Tyrklands.

Tengdar fréttir

Loftslagsráðstefnan COP26

Loftslagsfundur Festu og Reykjavíkurborgar

• Súrsæt niðurstaða COP26
• Aðild að bandalagi gegn olíuvinnslu verið rædd
• Uppþot á blaðamannafundi: „COP26 misheppnaðist“
• Indland og Kína þurfi að svara fyrir sig

» Fleiri tengdar fréttir

• Blogga um frétt