Gætu náð höfuðborginni á næstu vikum eða mánuðum
Setja bókamerki
Uppreisnarmenn gætu náð völdum yfir Addis Ababa, höfuðborg Eþíópíu, á næstu „mánuðum og jafnvel viku“, Samtökin Oromo sem tengjast uppreisnarsveitum úr Tigray-héraði, greindu AFP-fréttastofunni frá þessu.
Uppreisnarherinn í Tigray-héraði hefur háð stríð við ríkisstjórn Abiy Ahmeds, forsætisráðherra Eþíópíu, síðastliðið ár en Tigray-héraðið er í norðurhluta landsins.
Odaa Tarbii, talsmaður Frelsishers Oromo (OLA) sem hefur einnig náð framgangi á svæðum í kringum Addis Ababa, sagði að her hans ætlaði sér að koma ríkisstjórn Abiy frá völdum.
„Ef hlutirnir halda áfram á sama veg þá erum við að tala um mánuði og jafnvel vikur,“ sagði hann og átti við framgang OLA í átt að Addis Ababa.
Ummælin komu klukkustundum eftir að Eþíópía lýsti yfir neyðarástandi og bað íbúa Addis Ababa um að undirbúa það að verja sín hverfi.
Í yfirlýsingu sem var gefin út í morgun sakaði Abiy Ahmed uppreisnarmenn um að reyna að breyta Eþíópíu í Líbýu og Sýrland og bætti við: „Þeir ætla sér að eyðileggja land, ekki reyna að byggja það upp.“
Hann hvatti íbúa til að styðja stjórnarherinn og sagði: „Sigur á þessari ógn sem stafar af óvinum okkar næst ekki ef við vinnum ekki saman.“
Hafa samþykkt kaup fyrir um 9,2 milljarða
Sárt að horfa upp á illa meðferð fjármuna
Hægagangur og vaxandi ókyrrð
Kvikan virðist nú skiptast til helminga
29 nautgripir fundust dauðir
Gerir ráð fyrir 150 samningum í næstu viku
Kveðst tala af virðingu: „Ég er enginn dóni“
Segjast hafa skotið niður langdræga sprengjuvél