Hæstiréttur í Íran hefur staðfest dauðadóm yfir 27 ára karlmanni og 33 ára ástkonu hans, eftir að tengdafaðir mannsins neitaði honum um fyrirgefningu. 

Eiginkona mannsins sem dæmdur hefur verið til dauða færði lögreglu myndband til sönnunar um að eiginmaður hennar hefði verið henni ótrúr fyrr á þessu ári. Hún fór ekki fram á dauðarefsingu en það gerði hins vegar faðir hennar sem neitaði honum um fyrirgefningu.

Samkvæmt írönskum sharia-lögum varðar hjúskaparbrot dauðarefsingu. Dómari má þó veita sakaruppgjöf eða dæma hinn seka í fangelsi ef fjölskylda brotaþola, það er manneskjunnar sem haldið var fram hjá, fyrirgefur hjúskaparbrotið.

Írönsk sharia-lög kveða á um að dauðarefsingu skuli framfylgt með því að grýta steinum í þann seka. Lögunum var hins vegar breytt árið 2013 og má dómari tilgreina aðferð við að framfylgja dómnum og vanalega eru hengingar notaðar. 

Samkvæmt Amnesty International voru 246 teknir af lífi í Íran á síðasta ári. 

Tengdar fréttir

Dauðarefsingar

Tekinn af lífi fyrir tvö morð

• Alabama hefur aftur gjöf banvænna sprauta
• Teknir af lífi fyrir að brenna Kóraninn
• Malasía bannar lögboðna dauðarefsingu
• Mál manns sem var hálfa öld á dauðadeild endurupptekið

» Fleiri tengdar fréttir

• Blogga um frétt