Öryggisveitir drápu mótmælanda í Súdan
Mótmælendur í súdönsku borginni Omdurman.
AFP
Setja bókamerki
Öryggissveitir súdanskra yfirvalda réðu mótmælanda bana í dag í Omdurman-borg. Þar hafa farið fram gríðarleg mótmæli eftir að her landsins rændi völdum í landinu seint í síðasta mánuði.
Samtök sjálfstæðra lækna í Súdan staðfesta að mótmælandinn hafi beðið bana af skotsárum sem öryggisveitir veittu honum í dag og í tilkynningu þar um segir að fjölmargir aðrir hafi særst.
Sveitirnar notuðu einnig táragas til þess að brjóta mótmælaölduna á bak aftur.
Fyrir tveimur dögum urðu áform herstjórnarinnar í landinu ljós, sem ráðgerir nú að setja saman ráð manna úr sínum röðum til þess að fara með stjórnina í landinu.
Það ku hafa verið það sem brann einna heitast á mótmælendum í Omdurman í dag.
„Hvílir mikil leynd yfir þessu öllu“
Skiptir miklu meira máli en fólk grunar
Gígbarmurinn hækkað frá því í gær
Tveir í bílnum sem lenti utan vegar
Skemmtiferðaskip hætt komið nærri Viðey
Shakespeare fannst í skókassa
Banna mengandi búnað sem leyfður er á Íslandi